Por mil primaveras máis.

Hoxe, Galiza,
hoxe é o teu día
e por moito que lles pese
ós que a ti e ó noso idioma desprezan,
o 17 de maio será sempre o teu día.

O día dos aloumiños,
das apertas,
dos bicos, da morriña dos que están lonxe
e dos que non te sinten preto,
dos axóuxeres,
dos desexos,
da ledicia.

Hoxe é o día dos recunchos,
das bolboretas,
das cunchas
        dos peregrinos que te camiñan,
da choiva,
dos raios de sol.

Hoxe, Galiza, galego,
hoxe é o voso día,
o día das verbas escritas,
o día das Letras Galegas.

Por mil primaveras máis
escribíndoche en galego.